Lakers gipamulta og $500T

Gipamulta sa National Basketball Association (NBA) og $500,000 ang Los Angeles Lakers gumikan sa ilegal nga pagpakigsabot niini kang Paul George bisan aduna pa kini sa buhing kontrata sa Indiana Pacers. Sa ilang opisyal nga pamahayag nga gipagawas kagahapon, ang NBA nagkanayon nga ang Lakers nakasupak sa anti-tampering nga balaod sa liga nga nagdili sa teams nga makigsabot sa mga magduduwa nga aduna pa’y kontrata sa laing team.

Sa usa ka imbetigasyon, nasuta nga nakahimo og sa- laod ang Lakers human nakigsabot ang general manager niini nga si Rob Pelinka sa agent ni George.

Ang Lakers gipahimangnuan nang daan sa NBA niadto pang Abril kabahin niini dihang mihisgot ang ilang president of basketball operations nga si Magic Johnson kabahin kang George sa usa ka national television.