‘BINASTOS’ GI-RECORD

BABAYE MIKIHA SA KANHI TAAS NGA OPISYAL SA USA KA DAKONG TELCO

Kanhi taas nga opisyal sa usa ka telecommunications company ang gikasuhan human giingong gi- record niini ang pagbinastos sa iyang kauban sa trabaho.

Gipasaka sa hepe sa Regional Anti-Cybercrime Ofce (RACO) 7 nga si Leo Dofiles ang maong reklamo batok kang Neil (pangan gipugngan hangtod makuha iyang habig) sa kalapasan sa Republic Act 9995 o ang Anti-Photo ang Video Voyuerism Act of 2009.

Laing reklamo sa sexual harassment ang gipasaka batok kang Neil, kinsa naa na sa iyang kapin 40 nga pangidaron.

Ang reklamante nga si Louise (dili tinuod nga pangan), sa iyang reklamo, nisaysay nga wala siya'y kalibutan nga girekord na diay siya niini sulod sa ilang buhatan.

“I absolutely did not agree to be photographed or to a video taken of the dastardly act done to me. What married (woman), who is in her right mind, will agree to a video recording of a sexual act and more so with another person?” matod niini.

Sa counter-affidavit ni Neil nibutyag kini nga anaa sila'y relasyon ni Louise diin gihimakak kini sa reklamante.

Matod niini nga ang unang abuso nahitabo niadtong Agusto 2011 human nihangyo si Neil og pabor nga makighilawas human siya gihulga nga ibalhin sa layo nga sangang buhatan nila subay sa iyang ubos nga sales.

“I followed whatever he told me to do because I was already very weakened by the prior psychological torture that I no longer had the strength to repel the respondent's sexual assault,” tipik sa pamahayag sa reklamante.

Nahitabo ang pagpangabuso, katulo ka higayon.

Nagpakahilom lang ang reklamante kaniadto tungod sa iyang kahadlok.

Apan Enero ning tuiga, dihang dili na siya kalikay kang Neil atol sa appraisal sa mga performance sa ilang sales representative.

Matod ni Neil nga i- transfer si Louise sa iyang buhatan. Usa ka higayon nga giimbitar siya niini sa iyang buhatan, ug didto giingon nga natangong siya og upat ka oras ug giabuso pag-usab.

Gisuwayan ni Louise ang pag- send og text message sa iyang bana apan wala kini niya mabuhat tungod kay lowbat ang iyang cellphone.

Ang pagpangabuso ni Neil, niabot sa taas nga mga opisyal sa kompaniya ug didto napamatud-an nga sad-an kini ug gitaktak sa serbisyo.