8 ka menor sa bilanggoan sa Minglanilla ipabalhin

Minglanilla police gimandoan sa kadagkuan sa Police Regional Office (PRO7) nga ibalhin na ang ilang walo ka mga piniriso nga menor de edad.

Si Supt. Maribel Getigan, pangu sa Regional Police Human Rights Office sa PRO-7, nihulagway nga dili standard ang prisuhan sa Minglanilla.

Matod niini ang prisohan sa Minglanilla walay pasilidad alang sa mga babaye.

Hinungdan nga iyang gikuwestyon kon nganong wa kini gi- turn-over ngadto sa Department of Spcial Welfare and Services.

Apan gipasabot ni P02 Wilmer Campo sa Minglanilla Police Station nga aduna nay commitment order sa korte apan wa usab dawata sa DSWD ug sa ubang pasilidad alang sa menor de edad tungod kay wala pay bakante.

Naabtan ni Getigan nga aduna'y walo ka menor de edad nga gitanggong sa Minglanilla Police Station atol sa iyang pagbisita sa maong estasyonan.

Si Getigan nibutyag nga dili lang Minglanilla ang aduna'y problema sa kahuot kondili ang tanan nga police stations sa lalawigan.

Siya nanghinaot nga tabangan sila sa mga lokal nga kagamhanan paghimo og pasilidad alang sa kabataan nga nakahimo og kalapasan sa balaud.