Eric a.k.a. Eruption wa magdumot
MANILA – Taod taod nang wa igkita ang maskulado ug sikat nga atleta nga si Eruption (Eric Tai in real life) sa “It's Showtime”.
Actually, di lang naman si Eruption ang nawala sa maong show pati si Kuya Kim ug Coleen Garcia.
Nakahigayon ako nga mapangutana si Eruption kung unsa ang hinungdan nganong natsugi siya sa “It's Showtime” atol sa presscon sa Gemmalyn Crosby Sports Festival nga gipahigayon sa The Plaza sa Resorts World Manila sa miaging adlaw.
Usa si Eruption sa celebrity athlete sa misuporta sa nahisgutang sports festival nga ipahigayon sa November 18-19 sa World Trade Center.
Matod pa ni Eruption tuod man nagpakatawa og para lang silang nagduwa sa nahisgutang noontime show pero kining maong show, usa pa gihapon ka negosyo from time to time may mga bag-o silang ipasud nga mga bag-ong segment.
Sa maong segment wa na kini magkinahanglan og cohosts hinungdan nga adunay gipangtangtang.
Nawala man siya sa “It's Showtime” pero wa siya magdumot sa mga nagdumala sa maong programa, wa siya magtanom og kasilag sa mga hosts ug staff in fact.
Dugang pa ni Eruption kon may free time sila nagkita-kita og nagbo- bonding kuno sila.
Pabiling bus-ok gihapon si Eruption ug dagko pa gihapon og muscle, ako siyang gipangayuan og tips sa pagmaintain niya ang iyang good physique.
Di kuno kini tungod sa iyang pag- gym nakatabang daw sad kuno ang balance diet og ang pag-likay sa mga pagkaon nga sobra ang kolesterol sama sa karneng baboy o baka.
Naglikay sad kuno siya og pagkaon og chocolates og cakes although matud pa niya may mga adlaw nga iyang gitawg og "cheat day" og mokaon siya sa mga nahisgutang pagkaon pero in moderation.
Sa laing bahin, ang mga paugnat sa kusog nga magbangga sa Gemmalyn Crosby Sports Festival mao ang Fun Run, Amateur Boxing, Body Building, Power Lifting, Weight Lifting, Brazilian Jiujutsu, Eskrima Kali Arnis, Karate Taekwondo, Parkour, Zumba, Yoga and Table Tennis . Open kini sa mga amateur , sa mga gustong mosalmot, bisitaha ang www.philippinefitnessexpo.com.
Makita sa larawan si Gemmalyn Crosby kauban si Eruption photo by Jonas Yu.