Senador Gordon, sipsip!
Kon dunay kauwaw si Senador Richard Gordon isip pangulo sa kometiba Senate blue ribbon nga nag-imbestigar sa kontrobersya sa Bureau of Customs sa isyu sa P7 bilyones nga kantidad sa gipayuhot nga shabu angayan lang nga mo- resign isip pangulo.
Lahap ug klaro kaayo ang linya sa mga pangutana ni Gordon, kon ilambigit ang pangan ni Bise Mayor Polong Duterte sa siyudad sa Davao, sa kalambigitan sa smuggling pinaagi sa paglaban.
Sa habig ni Senador Antonio Trillanes, di man sab maisip nga alegasyon kon di inpormasyon lang gikan sa Customs broker nga naglambigit sa pangan nila ni Polong ug Atty. Mans Carpio, bana ni Davao City Mayor Sarah Duterte.
Mao nga makaingon ko haom ug tukma ang gisulti ni Trillanes nga ang ILANG kometiba usa ka committee de abswelto. Kay tataw man sab ang gihimo ni Gordon mao pagpanga bogar o paglaban ni Mans ug Polong.
Inay paminawon ang mga tubag sa gigaling ug pangutana aron didto kuhaon ug kon unsay balans nga mapanday tungod sa mga kontrobersya.
Ang nakapait nag-away na hinuon si Gordon ug Trillanes. Gipaabot pa ni Gordon sa committee on ethics ang iyang reklamo.
Nga para kanako makauuwaw ang ilang gihimo. Nga pwede raman to estoryahan kon unsay angayan kurihian.
Klaro kaayo hinuon ang pagsipsip ni Gordon tungod sa pukitika. Mas saludo ko ni Trillanes sa ka popular pa ni Duterte padayon ang kaisog pinaagi sa pagsukol.
Para nako ang kampo gihapon sa presidente kay sila man ang hawod ug mayoriya.
Ang gusto unta nako nga mahitabo magpalain ug di sundugon ang kanhi administration ni Noynoy Aquino ,pinaagi ni Roxas gipanggukod ang kontra sa pulitika pinaagi sa pagsuspenso.
Kang Duterte, pareho raman sa kang Aquino, gukod sa kontra. Pakapinan pa sa pag patay sa mga pulitiko nga gituhoang drug lord.
STAFF NI MAGPALE HONEST
Angayan lang pasidunggan sa hunta provincial sa Sugbo si Jon de Paula, staff ni Bise Gob. Agnes Magpale, tungod sa pagkama tinud-anon.
Gi- turn over ni Jon ang P10 mil nga nakit-an nga gisuka sa ATM machine nga dili iyang kuwarta ngadto sa security guard sa usa ka mall. Di lang dungog sa opesina sa Besi Gobernador sa ka honest sa iyang staff kon di himoon kining samin sa uban alang sa pagka matinud-anon.
Mopakpak ni Jon ang Lazada ug Shopee on line staff and management nga ang ilang suki nakadawat ug pasidingod.
Sa komedya pa ni Tata Cabardo, Julito Magtallo, Cyrus Sanchez iyang ka office mate mobisita ni Jon ang taga Lazada ug Shopee. Garbo ka Jon sa Besi Gobernador ug sa imong kauban sa opisina!