Maora ko og babaye

Dear Papa Joe,

Tawga lang kos ngan nga Jerica, taga Duljo Fatima. Papa Joe, kaila na man ka nako, mahadlok lang ko manawag sa akong problema kay makadungog unya ang akong silingan. Bahala nag naay makabasa sa news kay di man sila makaila nga ako ni.

Ang akong suliranin, Papa Joe, kay about sa akong pagkalaagan ug sa akong pagkapalahubog. Usahay, kon magtagay mi kada gabii gabie, kada gabii sab hilabtan sa akong amigo nga naa say uyab. Wa lang ni mahitabo maka usa, kadaghan pa gyud.

Maldita kaayo ang iyang uyab. Ganahan baya ko aning akong amigo. Nindot gyud siya. Please tambagi ko.

JERICA

Jerica,

Abi nako true ka nga babaye. Well, anyway, di man ka ma problema ana kay di man ka mamabdos. Pero careful lang basin masakit ka labi na og di ka sweto sa tawo. Usa sa kuyaw sad mao nga basin makat-on na siya ug mo take advantage nimo puhon ug panguwartahan na hinuon ka. Sa pagkakaron, basin trip trip lang na iyaha ug posibleng pangtagay lang ka kay ikaw siguro mogasto. O basin para ganahan ka mao nga mangita siya og paagi nga naay mahitabo ninyo.

Jerica, nakadungog na ko nimo on the air ug bata pa kaayo ka. Ayaw lang og palabi kay basin pagamahayan na nimo puhon. I don’t know og maapektuhan ba ka ug maawayan ka sa iyang uyab kon masakpan mo. Pero kon di, siguro mas maayo nga motan aw ka og kaikog sa iyang uyab kay maguba unya ang ilang relasyon. Dili baya lalim nga masakitan. Kana lang ug salamat.

PAPA JOE