BEERMEN VS. ROS
Mga duwa karon
4:15 pm- Talk N' Text batok Meralco
7:00 pm- San Miguel batok Rain or Shine
Mobangon og suway ang San Miguel Beermen gikan sa sunodsunod nga pagkapandol sa ilang pagpakigbatok sa Rain or Shine Elasto Painters sa main game karong gabii sa Philippine Basketball Association (PBA) Governor’s Cup sa Araneta Coliseum.
Ang Beermen gikan sa duha ka sunodsunod nga kapildihan batok sa nagkakuyaw nga NLEX Road Warriors, 100-103, ug hasta sa nagkagidlay nga Alaska Aces, 79-90.
Ang maong mga pilde maoy nakabira paubos sa Beermen sa ikawalong dapit dala ang 3-3 nga rekord nga nagpahimutang kanila sa delikadong kahimtang.
Ning maong komperensya, ang mopatigbabaw nga walo mao ang makaabante sa quartersamtang ang mahabiling upat mao ang manamilit og sayo.
Ang Beermen aduna pa'y lima ka nahabiling mga duwa sugod karon aron makadugkat pa og kahayag alang sa ilang gitinguha nga laing Grandslam. Ang Beermen nakabira na ang og Grandslam niadtong 1989.
Batok sa Elasto Painters, gilauman nga makasugat na sab og malisod nga pagsuway ang Beermen.
Ang Elasto Painters usa sa labing init nga puwersa sa kasamtangan ug gikan kini sa tulo ka sunodsunod nga kadaugan batok sa Kia Picanto, 9486, Talk N' Text KaTropa, 10573, ug Star Hotshots, 92-88.
Ang lokal nga mga magduduwa sa Beermen hilabi na sila si JuneMar Fajardo, Marcio Lassiter, Alex Cabagnot ug Arwind Santos kinahanglang mokayod og insakto aron matapakan ang haw-ang sa ilang pagkakuha og bag-o apan dili impresibong import nga si Terik Bridgeman.
Sa labing una niyang duwa, si Bridgeman igo lang nakamugna og duha ka mga puntos sa kapildihan sa Beermen batok sa Alaska.
Sa main game, kulbahinam sab ang gilaumang engkuwentro sa panagharong sa KaTropa ug Meralco Bolts.
Ang Bolts kasamtangang naa sa ikaduhang luna sa standing bitbit ang 5-1 nga rekord samtang ang KaTropa naghupot og 4-3 nga baraha.