MI-MOVE ON NA SI HORN
Pormal nang gisugdan ang pagpakignegusasyon sa kampo ni World Boxing Organization (WBO) welterweight champion Australian Jeff Horn ngadto kang American Jessie Vargas, taho sa 7 News.
Si Vargas, kinsa usa ka kanhi two- division world champion, maoy napilian ni Horn nga ihulip kang Filipino boxing icon Manny Pacquiao, kinsa matod pa sa kampo ni Horn miatras sa rematch batok sa ilang batos karong Nobiyembre 12 sa Brisbane, Australia. Nagtuo si Horn nga ma- finalize ra dayon ang ilang pagpakigsabot sa kampo ni Vargas sa umaabot nga pipila ka mga adlaw.
“I feel like I’ve got the moves to take Jessie down, he’s a former world champion so he’ll definitely be a hard fight,” matod sa 29 anyos nga si Horn, kinsa miilog sa WBO welterweight title gikan kang Pacquiao pinaagi sa unanimous decision nga kadaugan niadtong Hulyo 2.
Kini nga kalambuan nagpasabot lang nga kuli ang posibilidad nga ikaparang ni Horn ang kababayang si Anthony Mundine.
Si Mundine, kinsa maoy labing bantugang boksidor sa Australia, mihagit apan dili interesado “Mundine ang is kamponot ni the Horn. fight that’s hot on the radar, but you’ve got to keep the doors open,” pasabot sa trainer ni Horn nga si Glenn Rushton.
“There are more suitable opponents, but we are not saying no to anything, because Jeff needs to stay active.”
Giangkon ni Rushton nga gumikan sa kabantugan ni Mundine sa Australia, segurado untang mokita ang away batok kang Horn apan dili kini nga away ang ilang gipangita. “Some would love to see him lose, others would hate it,” matod ni Rushton kabahin kang Mundine.
“He’s still got plenty of support, but I’m not sure we’re seriously considering it.”
Nidugang si Rushton nga tinguha sab unta nilang iparang si Horn batok sa kasamtangang world champions nga sila si Miguel Cotto ug Terence Crawford apan pareho kining dili puwedeng makaaway karong Nobiyembre.
“With those guys no chance of fighting this year, like I said we are searching from the top down, and Lamont or Jessie both having held belts are both in our sights,” pasabot ni Ruhston.
“We’ll let (Horn’s promoter) Dean Lonergan talk to them and try to sort something out quickly. I want something locked in this week if we can.”
Sa sayo pa, si Pacquiao mibutyag nga andam kining makig-away og balik kang Horn karong Nobiyembre apan gusto sa fighting senator nga sa Pilipinas ipahigayon ang away. Apan daw dili mahitabo ang rematch karong tuiga gumikan kay nakatutok na si Horn sa pagdepensa sa iyang titulo batok kang Vargas.