Ginerbyus gipatay

Lalake nga gituohang gisulsa iyang sakit sa pangisip human manganak ang iyang asawa sa ospital, namatay human kulataha ug gidakdakan og bato sa tulo ka mga tawo niadtong Huwes sa hapon.

Si Victor Niere, 33, taga Boljoon, mag-uuma, nidagan gawas sa Vicente Sotto Memorial Medical Center (VSMM) ug didto nipadung sa Sityo Riverside Kawayanan, Sambag 2, dakbayan sa Sugbo.

Iyang gikaabot ang mga suspek nga giilang sila si Samuel Binarao, 48, taga lungsod sa Alcoy; Benjie Sumbal ug Cerelo Sumbal, pulos mga mangubkobay sa og bas sa sapa.

Pasiuna nga imbestigasyon nila ni SPO2 Winston Ybañez ug mga kauban sa Homicide Section sa Cebu City Police Office, naabot sa VSMMC si Niere uban sa iyang asawa nga manganakay.

Gipahibawo siya sa doktor nga I-ceasarian operation ang iyang asawa.

Dinhi nagsugod nga na og aborido ang ulo ni Victor.

Samtang gabarug atubangan sa pharmacy sa tambalanan, kalit kining nidagan sa gawas.

Matod sa pasiuna nga imbestigasyon ni Ybanez nga nagdagandagan sa Sambag 2 si Victor hangtod nga naabot sa sapa.

Sigun sa aligasyon ni Binarao nga sila ang unang gibato Victor mao nga sila nibawos ug gitabangan pagkulata si Niere.

Matod pa ni Binarao nga ilang gitabangan og kulata si Niere.

Ang manag-agaw nga Sumbal nikuha og dakung bato ug gidakdakan ang ulo ni Victor. / JFT, dugang taho ni AYB