‘Promise of Forever’ magsugod na ugma
The “Promise of Forever" ugma na sugdan sa Kapamilya gold isip hulip sa "The better half." One year in the making ang maong serye diin pagabidahan nilang Paulo Avelino, Ejay Falcon ug Ritz Azul. Gi-shoot kini sa usa ka cruise ship ug sa ubang parti sa Europa.
Gawas sa mga guesting ni Ritz sa mga programa sa Dos mao sab ni iyang unang teleserye sa maong estasyon. Makita sab nato ang dalaga sa "Banana Sundae" ug kon madayon mahimo siyang mainstay isip puli ni Jessy Mendiola nga mi-resign sa maong programa.
Naa usab sa Promise of Forever ang hearthrob Paulo Avelino nga misaysay nga lahi ang maong teleserye nila nga gikomparar sa "Goblin" ug "Age of Adaline," unsaon imortal man gud ang papel dinhi sa lalaki.
Ang mabuhi sa kahangturan ang role ni Paulo maong nakompara sila apan hugot silang namahayag nga original concept kini.
Usa ni ka fantasy romantic afternoon drama sa direksyon ni Daniel Villaflor ug sa award-winning independent film maker Hannah Espia, ay'g saba!
Kinsa ang "The good son"? Mao nay ilang pangutana, si Jerome Ponce, Nash Aguas, McCoy de Leon o Joshua Garcia?
Kini nga kwestyon atong matubag kon nuntan nato ang "The good son" matag gabii na sa primetime bida kay kini ang mopuli sa naghinapos na nga "Love to last" nilang Ian Veneracion ug Bea Alonzo, ay'g saba!
Naghinam-hinam na ang mga pipol sa balik tambalan nilang Toni Gonzaga ug Piolo Pascual sa pelikulang "Last Night" sa Star Cinema ug sa direksyon ni Joyce Bernal. Sobrang lahi kini sa miagi nilang pelikula nga "Starting over again" nga nahimong phenomenal ug blockbuster pa. Ang ako lang gikahibudngan kay medyo dark daw ang dating sa plot sa istorya. Medyo nakuryoso ko aning ilang giingon nga darkness sa pelikula nga gisakyan lang usab sa mga bida kay mao kini ang realidad karon. Unsa kaha ang bag-o nilang ipakita dinhi? Grabe ang pagdayeg nga ilang gihatag sa nagsuwat sa maong pelikula nga si Bela Padilla, hapit na ang showing ining "Last night" sa inyong mga sinehan, ay'g saba! Happy birthday Gorteng Tek-ing ug sa "cha" nang bayan Ronnie Matudan nga may month long nga selebrasyon, ay'g saba!