2 ka bagyo nagsunod pagsud

Duha ka mga bagyo ang naghulga sa nasud human ang gibantayan nga low

pressure area nahulmang bagyong Maring samtang kagahapon sa hapon nisulod ang Bagyong Lannie sa Philippine Area of Responsibility (PAR) nga pulos naa sa Luzon area.

Si weather specialist Vhan Singson sa Philippine Atmospheric Geophysical Astronomical Services Administration (Pagasa) nipahibawo nga di apektado ang Visayas area apan padayon nga makasinate og dag-om nga kalangitan inubanan sa pag uwan-uwan.

Ang bagyong Maring nga gikatakda nga mo- landfall karong hapon sa Quezon, Aurora province nga adunay gikusgon sa hangin nga 45 kilometer per hour (kph) ug unos nga 60 kph.

Signal no. 1 giisa sa Catanduanes, Camarines Norte ug Sur, Northern Quezon, Aurora province, Quirino ug Nueva Ecija.

Samtang ang tropical storm Lannie nga nagdala sa gikusgon sa hangin nga 120 kilometer per hour (km/h) duol sa sentro ug unos nga moabot sa 145 km/h kasamtangang nahimutang sa silangang bahin sa Aparri Cagayan.

Si Weather specialist Joey Figuracion nipahibawo nga ang bagyong Lannie nag-irog paingon sa kasadpan – amihanang bahin sa Luzon area lahos sa nasud sa Taiwan.

Gipanglantawan nga maganam kini ka kusog.

Atol niining pagsuwat way tropical storm warning signal alang sa bagyong Lannie.

Ang pag-uwan sa Metro Cebu area kagahapon sa hapon ilabi na sa Cordova, Lapu-Lapu City, Mandaue City, Consolacion, Lilo-an ug ubang nga silingan dapit nagagumikan sa thunderstorms.

Nakasinati sab og pag-uwan uwan ang amihanang Sugbo ilabi na sa lungsod sa Medellin, San Remegio, Bogo City, Tabogon ug uban pa. / FVQ