Anak ni Chad Borja dunay promo tour
Singer pud diay ang anak nga babaye ni Chad Borja. Ang taga-Davao nga si Gabrielle Gross (iya ra ning screen name tingali), 16 anyos lang, apan duna na siyay
upcoming debut digital single nga "A Song Inspired By You" nga siya mismo ang nisuwat.
Ipagawas ni sa Ivory Music & Video Office for Enterphil Entertainment Corporation (digital arm of Ivory Music).
Ang iyang papa Chad Borja ang orihinal nga nagpasikat sa kantang “Ikaw Lang” ug kanhi singer niadto sa Zee Band.
Ang laing komposisyon ni Gabrielle Gross mao ang "Ain’t Bothering You" ug maayo sad siya sa ukulele. Duna say kanta si Gabrielle nga gitagik ni Jimmy Borja, ang “Secret.”
Si Gabrielle, 11th grader sa Brainworks School sa Davao, nag- front act na niadto sa 2017 Philippine Tour sa 70- piece brass
band Musikverein Orchestra of Germany. Sa miaging tuig, nahimo siyang guest vocalist sa One Light Orchestra nga niperform sa Davao school-for-theblind foundation.
Si Gabrielle regular magkantahan sa Kanto Bar ug Blugre, nga parehong makita sa Matina Town Square sa Davao. Karong Sept. 18 to 22 naa si Gabrielle Gross sa Sugbo alang sa promo tour sa iyang bag-ong single nga "A Song Inspired By You." Basin makatayming mo niya sa SM City Cebu, himbisi kuno kon makapasar ba sa inyong taste.
`HABA NG HAIR’
Maorag nimaot o nisamot kamaot ang imahe ni Ellen Adarna nga sige siya og post sa mga PDA (public display of
affection) nila ni John Lloyd Cruz… pero dili kuno sila uyab. Estoryahe!
Kon nagtuo si Ellen nga makaayo ni sa iyang career, well, kinsa man tang mo- judge?
Human niya nauyab ang anak sa Presidente, karon si John Lloyd na sad? “Haba ng hair!”
Mao nay giingon, WA PA MO MAANAD!
TUYOKTUYOK
Niadtong Dominggo, gihatud na sa ulahing kapahulayan sa Manila Memorial Park sa Liloan ang akong ugangan nga si Virgilio “Billy” Sermon, Sr. nga nitaliwan sa edad nga 69.
Niadtong 2009, siya ang nialsa sa akong amahan dihang amo ning gihatod sa ospital hangtod nga nabugtoan. Karon si `Tay Billy na sad ang among giyayongan sa dalan paingon sa kinabuhing dayon.
Mao na’y atong papel sa kalibutan, tuyoktuyok lang. Ayo-ayo sa imong pagpanaw, Tatay Billy!