You belong to me
Gihiwian ko si Jeeno nga misunod dayon nako sa pagkaligo sa
swimming pool. Sila si Noy Norman, Nang Melia ug ang akong parents nagsawumsa swimming
pool, klaro nga malipayon sila. Usahay motan-aw sila namo ni Jeeno nga nagsinabligay sa tubig, morag mga bata.
Unya, nagkatawa si Jeeno nga mihunong sa among gibuhat. Iya kong gikuptan sa kamot. Giwakli kog dali ang iyang kamot. Ambot ba, nahatagan na man nuon nakog malisya ang iyang pagkupot sa akong kamot, nga naandan na man unta niya kining buhaton nako ug pasagdan ko lang sab siya. Sukad lang nga gitug-anan mi si Jeeno sa gikasabotan sa tagsa-tagsa namo ka mga ginikanan, morag di na ko komportable sa maong sitwasyon.
” From now on, di na tika tugtan nga moyano lag kupot sa akong nawong, Jeeno.” “Why man?” “Basta mao nay akong gusto, Jeeno.”
Ang kanahan dako kaayog ngisi. Gisigahan ko siya sa akong mga mata.
“Ngisi-ngisi ka man diha, Jeeno?”
“Aw, naghunahuna lang ko sa gisulti sa atong parents. Unsa may imong say ani, bi?”
“Say sa imong kagaral. Unsay labot nila sa akong
lovelife? Na, gusto nako nga ang mahimo kong boyfriend
love gyud nako ug mahimo lang ni sa akong kabubut-on ug way nagmandar nako nga laing tawo.”
“Bitaw, no? Mao gyud nay husto. Ako bitaw, di gyud uyon sa ilang gikasabotan. Kon makig- girlfriend ko, kana gyung love sab nako, nga pangulitawhan ko siya sa kaugalingon sab nakong kabubut-on.”
“Kon mao, nagkasabot na ta nga di sundon ang gusto sa atong parents?” “Ay, oo, uy.” “Di kaha ta nila kasuk-an, Jeeno?”
“Bahala nag masuko sila nato. Basta ipakita lang gyud nato nga duna tay katungod nga mamili sa binuhat nga
atong gusto.”
“Bitaw. Correct kaayo ka ana, Jeeno.” Mipahiyom na ko.
“Kanindot sa akong feeling ron, uy, Cristine.”
“Nindot? Ngano man?” “Nahunahuna ko man gud ang akong childhood friend. Si Nenna. Silingan namo siya.” “Kay ngano man, bi?” “She’s sweet, beautiful and
caring. Gani, sa dayon na namong gikan paingon dinhi, nakig-estorya
gyud siya nako. Iya kong giingnan nga mag-amping ko dinhi.”
“Wow! Uyab tingali mo, no, anang giingon mong Nenna?
Gihiwian ko si Jeeno dayon kong sawom pahilayo niya. (SUMPAYAN)