RDO GIBUHIAN SA TNT; SA MERALCO NA PUNTA
Sa wa damhang kausaban, natapos na ang panag-uban ni Ranidel De Ocampo ug sa TNT Katropa kagahapon human sa hataas nga panahon nga gisabayan sa pagpangutlo og pipila ka mga kampyonato.
Kini human sa surprisang panagbayloan sa mga players diin ang Katropa mihatod ni De Ocampo ngadto sa Phoenix baylo ni Norbert Torres ug sa first round pick sa 2017 Draft.
Ang Fuel Masters wa usab magdugay mihatag gilayon ni De Ocampo ngadto sa Meralco baylo sa laing bigman nga si Justin Chua ug ingon man ang 1st round pick sa Bolts sa umaabot nga drafting.
Gihatag usab sa Phoenix ngadto sa TNT aron makuha ang second round pick sa Katropa sa 2019 nga drafting.
Sa walo ka season ni Ocampo sa TNT, nakahagdaw kini og unom ka championships ubos sa pagdumala ni coach
Chot Reyes, Norman Black ug Joong Uichico.
Nakuha siya sa Katropa niadtong 2008 human kini gibaylo ni Don Allado. “We’re rebuilding for the future,” matod ni TnT team manager Virgil Villavicencio pipila ka minutos nga naaprobahan sa PBA Commissioner’s Office ang maong panagbaylo.
Pipila ka oras human sa trade, si Ocampo sa iyang Twitter account @jutaca33 mipasumbingay sa maong kalambuan nga dugay na kini niyang gipaabot.
“We have experience, but hindi na rin bumabata yung average age ng team,” dugang ni Villavicencio.
Ang 35-anyos nga De Ocampo, llumad nga taga Tanza, Cavite, maoy ikaduhang pisa sa miaing championship team TnT nga gibaylo sa karon nga season. Una mao si Larry Fonacier kinsa anaa na karon sa NLEX.