Abogado ni Sabalones mihimakak sa pasangil

... nga tagalan taka og usa ka semana , og dili mauli (papelis sa yuta), i-indorse taka sa grupo o mga tawo ni Franz Sabalones" tipik sa pamahayg ni Lucila Piezas

Abogado sa miangkon nga druglord sa Central Visayas nga si Franz Sabalones gipablotter sa Talisay Police Station sa usa ka negosyante human giingong nanghulga nga iyang gamiton ang mga tawo ni Sabalones aron mabawi ang yuta nga iya sa naulahi.

Apan si Atty. Louie Arma mihimakak sa pasangil ug miklaro si Sabalones nagtinarong na kini.

Usa ka Lucila Piezas, 47, taga Barangay Lagtang, dakbayan sa Talisay nitaho sa kapulisan nga siya gihulga.

Sigun sa iyang reklamo nga niadtong Martes, pasado alas 4:00 sa hapon, nakadawat siyag tawag sa cellphone nga ang number iya ni Atty. Arma.

Matod pa nga niingon kini nga gitagalan siya og usa ka semana ipauli ang yuta nga adunay gidak-on nga 2,093 ka metros kuwadrado nga iya sa iyang kliyente.

Iya kining gihangyo nga ipagi lang sa due process, apan gumikan sa iyang kahadlok ug kabalaka mi-report siya ngadto sa kapulisan.

Si Atty. Arma nga nahinabi sa mga tigbalita mihimakak sa maong pasangil, iyang giangkon nga nagka-estorya sila niini sa cellphone sa makadaghang higayonapan miklaro nga wala pa sila magkakita personal.

Gipasabot ni Arma nga ang iyang kliyente nga si Sabalones dunay napalit nga yuta niadtong 2013 ug ila nalang nga nasayran nga nalakip na kini sa yuta nga napatitulohan sa mireklamo.