IDLAS APAN NASIKOP

Giilang idlas nga drug personality ug nalakip sa high value target sa barangay Calamba sa siyudad sa Sugbo nasikop atol sa gihimong checkpoint sa station 6 sa Cebu City Police Office (CCPO), alas 12:30 sa kaadlawon kagahapon.

Taas nga panahon nga gipangita sa kapulisan sa syudad sa Sugbo si Khenny Osmeña alyas “Wowie”, 39, taga Salceda Compound barangay Calamba ug laing notadong

drug pusher nga si Ringo Navarro Reyes, 44, nga nagpuyo sa samang dapit.

Matod ni Chief Insp. Keith Andaya, hepe sa station 6, nga dugay na ilang giatang-atangan ang maong mga personalidad sa Calamba apan kanunay nga maka sibat kung sila ang target sa anti drug operation. Sa mao gihapon nga operation ilang nadakpan ang laing lima nga posibling namalit og gidiling drugas sa interior nga bahin sa A. Lopez.

Nagkadaiyang putos sa gituohang shabu ang nakuha motimbang ug 20.6 gramos nga gibanabana nga mobalor og P243,080.00.