Lalake natug sa karsada ligsan

(Napatik sa Septiyembre 2, 2017)

Bali ang li-og sa usa ka lalaki human naligsan og motorsiklo samtang natug tunga sa dan didto sa Purok 3, Sta. Cruz, Camaman-an ning siyudad sa Cagayan de Oro. Dead on arrival sa tambalanan si Jaime Acusar Jr., 30, ulitawo, residente sa samang dapit samtang ang nagmaneho sa motorsiklo nga Honda Wave nga nagdala sa numero sa plaka nga UI 3730 naila nga si Christian Abanilla, 34, minyo, residente sa NHA Bayanihan Village, Macapaya, Camaman-an ning siyudad. Sa impormasiyon nga nahipos gikan sa Police Station 2 (PS2) sa Cogon nasayran nga pareho nga hubog ang responsable ug ang biktima kinsa nakatug sa dan tungod sa kahubog. “Sa initial investigation po itong si Mr Jaime Acular ay under influenced of alcohol po nakatulog ho siya sa daanan mga dakong 12:30 am madaling araw, ito pong si Mr Abanilla is also under the influence of alcohol din, in his way home nasagaan po niya itong si Mr Jaime thus resulted to his untimely death,” pahayag ni P/ Insp. Jason Sto. Domingo. Samtang gibutyag sa igsoon sa biktima niingon nga kanunay na nga mahubog ang iyang igsoon kinsa gikan nag-vigil sa namatay nga silingan niadtong higayona apan sa dihang pauli na unta kini posibleng sa kahubog wa na makaabot sa ilang panimalay.