Kinatawo sa lalake gibitad

(Napatik sa Septiyembre 4, 2017)

Nagdangoyngoy nga midangop sa Talomo Police Station ang usa ka 26-anyos nga sales agent human giayog bira-bira sa iyang ka live-in partner ang iyang kinatawo kay nagselos sa laing babaye. Midangop sa presinto tres si George (bansagon gitago), 26, nagpuyo sa NHA Bangkal, Barangay Talomo Proper, siyudad sa Davao human giayog bira ang iyang kinatawo sa iyang live in partner nga si Daisy, 26. Subay sa blotter nga natala sa Talomo Police Station nasayran nga perting pagkahinanok ni George nga naka- boxer short ug dihang pagtan-aw ni Daisy nga makahigayon na siya, iya kining giayog gibira-bira uban sa pagsulti nga, “I will kill you” hinungdan nga nakasiyagit si George. Diha na nabuhian ni Daisy ang kinatawo, misiyagit na og maayo si George tungod sa kasakit.