Ang drug test sa DepEd

Duha ka sunod sunod nga drugtest alang sa mga magtutudlo ug non-teaching personel ang akong nakuyogan uban sa taga COSAP (Cebu City Substance Abuse & Prevention).

Unang girumbo sa COSAP ponagulohan ni Gary Lao niadtong Lunes Septiyembre 11 mao ang Regino Mercado Elementary School. Pagka ugma mao ang Alaska Elementary School.

Ang mga eskwelahan nga bisitahon ipaagi una ug raffl psgsiguro nga way i- drug test nga makabantay. Ang raffl himuon sa Division Office usa ka oras sa di pa i- deploy ang mga personnel sa COSAP ug DepEd. Sa laktod surprise

drug test ang ilang gihimo alang sa subra sa usa ka gatos ka eskwelahan sa elementarya ug high school sa dakbayan sa Sugbo.

Tungod sa maong gidaghanon akong bana bana modagan pa og binuwan una makumpleto ang misyon sa COSAP ug DepEd nga mahimong drug free ang mga tunghaan. Isip kabahin sa maong programa samtang gi- drug

test ang maestro ug maestra ang mga personnel sa COSAP mopuli sa ilang dapit sa classroom ug maglecture ngadto sa mga tinun-an sa mga di maayong epekto sa iligal nga drugas.

Matod ni Division Superentindent Dr. Bianito Dagatan kadtong magtutudlo nga magpositibo ipailawom sa

rehabilitation nga siya maoy mogasto. Human sa rehabilitation una pa siya makabalik ug tudlo. Sa iyang bahin si COSAP Head Gary Lao niklaro nga kadtong mahtutudlo nga mapakyas sa pagpa drug test laing kinalit nga drug test ang himoon para niya. Matod ni Lao way exempted sa ilang programa gawas tingale kung moundang sa pagtudlo ang maestra o maestro.

HABAGAT

Giduaw nako akong mga higalang mananagat nga nanginabuhi sa ilawom sa Cansaga Bridge sa lungsod sa Consolacion. Ilang komentaryo nagmingaw ang isdaan kay way maayong kuha tungod sa kakusog sa hanging habagat ug kadagko sa balod nga nasinati sa nangaging mga adlaw. Sa mga wa pa makabisita sa ilang isdaan mao ni ang hanokanan sa mga mananagat sa ilang kuha sa tibuok gabii hangtod sa buntag.

Mao nga makasiguro ka presko ang gipamaligya didto. Ang presyo sama sa naandan mag-agad sa lakat sa panahon. Kung das-ag barato ra gyud kaayo. Way duda nga daghan na ang suki didto apil na kadtong mga suki sa superkarket tua na didto nagparada sa ilang sakyanan.

Ang adlawng Sabado ug Domingo maisip nga pinakadaghang customer didto. Dali ra gyud ang tuyok sa panahon.

Una nako silang nahimamat didto sa dapit nga gitawag ug buldozeran pipila na ka tuig ang nakalabay. Sila si Bano ug Bian maoy una nakong nailaila.

Hangtod gipailaila ko sa ilang mga kaubang mananagat kansang mga sugilanon sa kinabuhi nindot kaayong paminawon ilabi na kung maghisgut ug mga damgo para sa ilang mga anak.