Ex-lovers mag-uban sa `The Good Son’
Gitakdang mag-uban sa teleseryeng “The Good Son” ang ex-sweethearts nga si Elisse Joson ug Jerome Ponce. Apan ang leading man dinhi ni Joson mao ang iyang ka- loveteam karon nga si Mccoy de Leon sa grupong Hashtags. Si Ponce gipangutana kon unsay iyang gibati nga sa unang higayon iyang makauban si Joson sa usa ka telerserye, ang iyang tubag nga nigawas sa ABS-CBN.com nga, "Relax lang."
Matod sa aktor nga wala pa silay scene kaayo ni Joson ug okay ra kuno sila pero dili lang sila pareho og tent.
Si Ponce niangkon nga ni-audition siya sa maong role human niatras si Elmo Magalona nga mao gyud untay orihinal nga modala.
"Taon na rin ang binilang ko dahil walang trabaho, puro guesting lang. I grabbed the opportunity at ako naman po ang napili," ni Ponce. Ang "The Good Son" mag- premiere sa September 25, isip hulip sa "A Love To Last," nga matapos na karong September 22. /