SELENA GOMEZ GIPAUBOS SA KIDNEY TRANSPLANT
Gianunsyo sa Hollywood singer nga si Selena Gomez nga nipaubos siya sa kidney transplant tungod sa iyang sakit nga lupus.
Gi-post sa 25-anyos sa instagram niadtong Huwebes ang litrato samtang pareho silang naghigda ug nagkinuptanay og kamot sa ilang hospital bed sa iyang higala, TV actress Francia Raisa nga maoy nidonar sa iyang kidney organ.
Matod ni Gomez: "there aren't words to describe" how she can thank Raisa, who she says gave "the ultimate gift and sacrifice by donating her kidney... I am incredibly blessed."
Apan wala gibutyag ni Gomez kon kanus-a ug asa siya gioperahan. Ang iyang tigpamaba wala sad mohatag og detalye.
Ang 29-anyos nga si Francia Raisa naila sa iyang role sa ABC Family series "The Secret Life of the American Teenager."
Si Gomez unang na- diagnosed sa lupus niadtong 2015. Ang lupus usa ka autoimmune disease, diin atakehon ang kaugalingon nimong mga tissue lakip na usahay ang kidneys. /