Donaire malaumon gihapon
Masaligon si Nonito “The Filipino Flash” Donaire nga makaangkon ra siya pagbalik og world title sa umaabot.
Si Donaire kasamtangang hugot nga nangandam alang sa iyang pagpakig-away kang Mexican Ruben Garcia Hernandez karong Septiyembre 23 sa San Antonio, Texas.
“I’m ready to return to the ring and show that I still have what it takes to be a world champion and face the best in this sport,” batbat ni Donaire sa interbyu sa ESPN. Nabuhian ni Donaire ang iyang world junior featherweight title niadtong Nobiyembre human siya nalupig ni American Jessie Magdaleno pinaagi sa unanimous decision.
Nagtinguha unta nga makigaway og balik si Donaire kang Magdaleno apan wala kini nahan-ay hinungdan nga mibiya siya sa Top Rank ni Bob Arum.
Ning higayuna, si Donaire ubos na sa pagdumala sa Ringstar Sports ni Eric Schaefer, nga nagplanong hatagan si Donaire og world
title bout sa sayong bahin sa sunod tuig.
Ang pagpakigbatok kang Hernandez maoy labing unang tahas ni Donaire ubos sa Ringstar Sports./