MELINDO NA OVERWEIGHT
Hinuon nakakuha ra sa timbang human magpa-reduce sud sa 2 ka oras
Nakasugat man tuod og kakulian apan madayon ra gihapon ang title defense ni International Boxing Federation (IBF) junior flyweight champion Milan “El Metodico” Melindo batok kang South African Hekkie “The Hexecutioner” Budler karong gabii sa main event sa Pinoy Pride 42: Clash for Glory sa Waterfront Hotel and Casino-Lahug.
Sa official weigh-in kagahapon, nilapas si Melindo og 1¼ pounds sa 108 lbs. weight
limit nga nakahulga sa away nga dili madayon. Si Budler mihaom sa weight-limit.
Ang kampo ni Budler mihulga nga dili modayon og away kon dili makuha ni Melindo ang
weight limit ug ilaha kining buhaton bisan dili pa sila bayran. “I’m very disappointed. It’s a world championship fight and we came a long way. I want him (Melindo) to make the weight,” matod sa trainer ni Melindo nga si Colin Nathan. “We will not fight unless he can make the weight.” Si Melindo gihatagan sa IBF og duha ka mga oras aron makapaus-os sa timbang. Paglabay sa usa ka oras ug tunga, mibalik ang gitawag og El Metodico sa timbangan ug ning higayuna mitimbang na kini insakto sa 108 lbs.
Nagkanayon ang trainer ni Melindo nga si Edito Villamor nga katulo nagbalikbalik sa sauna si Melindo sa tag 15 ka mga minutos matag higayon.
Giklaro ni Villamor nga bisan na- overweight si Melindo, dili kini makaapektos a iyang away.
“One pound ra man ang iyang gi-reduce. Wala ra siya ma-drain ug dili ni maka-affect sa iyang away. That’s normal man sa mga boxer,” pasabot ni Villamor.
“Sometimes it’s an advantage, sometimes it’s not. But I’m very ready. I’ve trained hard for this fight,” matod ni Budler.
Sa iyang bahin, mipasalig nga dili ra kini makaapekto kaniya ug nakaagi na siya ning maong sitwasyon kaniadto ug mas grabe pa gumikan kay lima ka pounds ang iyang gipaus-os.
“Gisuwayan gyud ko sa Ginuo kon unsa ko ka-desidido nga ma- retain nako ang title. Amazing kaayo kay tungod sa akong faith sa Ginuo, nakuha ra nako ang timbang,” matod ni Melindo.
Gilaumang mokawat og dakong atensyon sa promosyon mao ang panagharong nila ni ALA fighter Jonas “Zorro” Sultan ug two-time world champion Johnriel “Quadro Alas” Casimero alang sa IBG junior bantamweight title elimnator bout.
Usa kini ka talagsaong hitabo nga parehong Pinoy ang magsangka sa usa ka dakong away.
Ang modaog ning awaya mao ang mahimong mandatory contender sa laing Pinoy nga si IBF jr. bantamweight
champion Jerwin Ancajas. Si Casimero adunay 24-3, 15KOs nga rekord samtang si Sultan naghupot og 13-3, 9KOs nga baraha.
Gikaintapan sab ang panagharong nila ni Jason “El Nino” Pagara (40-2, 25 KOs) batok James “Onyi” Onyango (23-11, 19KOs) sa Kenya.