Kuwang P9 milyunes na lang

Kapin sa P9 milyones na lang gikan sa P32 milyones ang wala pa ma- liquidate nga tabang pinansiyal sa non-government organization sa kagamhanan sa lalawigan sa Sugbo.

Sa record nga gipakita ni Provincial Accountant Ramon Dumayac hangtod sa Septiyembre 15, 2017, niabot na lang og P9,886,427.41 sa Ramon Aboitiz Foundation Inc. ang wala pa ma- liquidate nga hinabang pinansiyal.

Siya niklaro nga nagpadayon ang mga proyekto nga nalambigit sa maong pundo sama sa pagpaayo sa Gabaldon

school buildings sa mga publikong tunghaan sa lalawigan, hinungdan nga wala pa kini mahatagi og kwentada sa Rafi. “For sure ana nana nay ilang mga liquidation. In fact nakasubmit man gani to sila sa status report sa projects karon, gamay na lang kaayo ni to be liquidated,” dugang ni Dumayac sa Superbalita Cebu. Matod niya nga posible mokunhod pa ang P9 milyones kon nakaduso na og dugang kwentada ang Rafi nga niagi sa internal pre-audit sa Kapitolyo. Gitawag sa Commission on Audit ang atensyon sa provincial government kay di mominos P32 milyones nga tabang pinansiyal nga gihatag niini ngadto sa mga NGO ang wala pa ma- liquidate.

Nahibaw-an sa COA nga 19 ka mga NGO sa Sugbo wala pa maka- liquidate sukad 2016.

Si Dumayac nibutyag nga dihang gisusi sa COA ang ilang mga libro, duna nay naduso nga mga liquidation sa internal

pre-audit office samtang ang uban nasumitir human na sa pakisusi sa mga state auditor.

Siya nipasabot, ang proseso dili modiretso sa iyang buhatan ang paghimo sa liquidation kay moagi pa kini sa internal pre-audit diin tan-awon kon insakto ba ang liquidation ug kon okay na, diha pa kini moagi sa iyaha.

Siya nidugang nga sa memorandum of agreement tali sa provincial government ug NGO, kinahanglang i- liquidate ang nagasto nga tabang pinansiyal ug moduso og fund utilization report. / SCG