You belong to me
Nindot kaayog pinahiyoman si Jeeno nako. Sus, karon pa ko makakita niya nga nagpahiyom siya og ani nako. Well, giatubang ko gyud siya. Gipakita sab nako nga malipayon ko. Unya nahunahuna ko ang gihangyo ni Neena nako. Miseryuso ko.
“Kuan day, Jeen, may nuon nga mianhi ka. Duna man guy gihangyo si Neena nako.”
“Hangyo? Sus, bag-o pa gani mong nagkaila, nangayo na siyag pabor nimo? Well, unsa man kuno na, bi?”
“Nagpatabang siya nako nga pangulitawhan mo siyag tinarong. Kana kunong pormal. M.U. man lang gud kuno ang inyong relasyon.”
Gipanid-an ko ang reaksiyon ni Jeeno. “M.U.” Puwerteng katawa ni Jeeno. “M.U. gud tawon. Mao nay iyang sulti nimo? Wa ko maghunahuna ana, uy, Cristine. Inigsuon lang ang pagbati ko niya. She doesn't belong to me. May girl na nga para nako.” “Kinsa man, Jeeno?” Sus, puwerteng butuk-butok sa akong dughan, uy! Duna na diay hilom nga gimahal si Jeeno.
“Ikaw, Cris. Bisag wa pa ta buyaha sa atong parents, hilom na kong nakagusto nimo.
In other words, love tika.”
Morag naglutaw ko sa panganod sa akong nadungog. Parehas diay mig feeling si Jeeno sa usag usa. Apan wa dayon ko mopagawas sa akong gibati niya.
“Pero unsaon na man lang si Neena? Naglaom siya nimo. Nagtuo siya nga nakagusto ka sab niya. Ang kanunay mong pag-agbay niya ug pagkupot sa iyang kamot, gituhoan niya nga gimahal mo siya.”
“Daghan diay og gitug-an si Neena nimo? Aw, bahala siya. Basta, wa koy gusto niya. Ikaw ang akong love.”
Wa na ko makapugong sa akong kaugalingon. Ning higayona, mi- smile ko niyag nindot.
L-Love sab ka nako, Jeen.” Nalipay sila si Mama ug Papa dihang gitug-anan ko sila sa among pagminahalay ni Jeeno. Ingon sab ani ang gisulti ni Jeeno nako, puwerteng lipaya sab sa iyang mga ginikanan. Gitug-anan sab ni Jeeno ang iyang Mama ug Papa bahin sa among relasyon.
Way nahimo si Neena dihang gisultihan siya ni Jeeno sa tanan. Gidawat niya ang kapakyasan sa iyang gugma kang Jeeno.
Misamot ang among kasuod ni Jeeno sa pagpanglabay sa mga adlaw. Wa gyud ko magbasol nga si Jeeno ang akong gihigugma. Faithful siya nako.