Kapitolyo sa 4th Serbisyo Karaban alang sa Oslob

Ang Kagamhanan sa Probinsya sa Sugbu mopahigayon sa ikaupat nga Serbisyo Karaban gikan niadtong Sabado, Septiyembre 16, hangtod sa Lunes, Septiyembre 18 sa lungsod sa Oslob sa habagatang bahin sa Sugbo.

Ang labing una nga Serbisyo Karaban gipahigayon sa miaging tuig didto sa Badian, ug gisundan sa isla sa Bantayan.

Ang ikatulong karaban nahitabo sa isla sa Camotes Marso ning tuiga diin P2.8 milyon nga tabang pinansyal ang gipang-apud-apod.

“Ang miaging karaban gipahigayon sa norte. Karon, ari na sab ta sa Oslob aron mas mapaabot nato ang mga serbisyo sa habagatang bahin sa Sugbo,” matod ni Atty. Ramil Abing, Executive Assistant V sa Provincial Administrator's Office.

Ang maong kalihokan gipangulohan ni Goberna- dor Hilario P. Davide III ug Bise Gobernador Agnes A. Magpale kauban ang Provincial Board (PB), department heads, ug uban pang opisyal.

Ang PB mopahigayon sa ilang out-of-town session para mas mapadayag ang gi-panday nga mga balaod ug resolusyon sa publiko.

Ang opisina sa agrikultura manghatag og mga punla, gamit sa pagpangisda, ug uban pang gamit pang-agrikultura. Samtang, ang opisina sa social welfare ug health mag apod-apud usab og mga

wheelchair ug health kit. Aduna say ipanghatag nga libreng bakuna sa rabies alang sa mga Oslobanon ug mga lumulupyo sa tupad nga mga lungsod.

Makadawat sab ang mga residente sa maong dapit og mga libreng bakuna, deworming, vitamins, ug antibiotics alang sa ilang mga giatiman nga baka ug kabaw.

Subay sa pag selebrar sa International Coastal Cleanup Day, limpyohan sab ang kadagatan sa Daanlungsod, Oslob, diin duol 350 ang sumasalmot.

Samtang adunay ipanghatag nga mga titulo sa yuta pinaagi sa land titling project nga gipangulohan sa Provincial Cadastral Council, diin 22 ka mga lokal nga kagamhanan ang nakig-alayon niini.

Duol 2,750 ka mga katiguwangan ang makadawat og gasa sa ipahigayon nga Halad kang Lolo ug Lola.

Mopahigayon sab og medical ug dental mission sa karaban diin 1,000 nga indibidwal ang gilauman nga makabenepisyo.

Gidapit ang tanang lumolupyo sa paghangop sa benepesiyo sa libreng medical mission.