FAJARDO NAGMANGTAS
Mga duwa karon 4:30 pm - Blackwater
batok GlobalPort 6:45 pm - Star
batok Talk N' Text
Nagmangtas ang higanteng Sugbuanon ug nagpakatap kini’g 41 puntos aron agakon ang San Miguel Beermen sa 118-112 nga kadaugan batok sa nagkagidlay nga Kia Picanto sa premirong duwa kagahapon sa Philippine Basketball Association (PBA) Governor’s cup sa Mall of Asia Arena.
Sa wala damha, ang Beermen nakasugat og grabeng pagpanghudlat sa Picanto nga nakaposte og 11 ka puntos nga labaw sa usa ka higayon una minggukod ang Beermen sa hinapos nga bahin.
Gipakita ni Fajardo nga nahibalik na ang iyang saktong kondisyon aron pangulohang pagbangon sa Beermen.
Gawas sa iyang 41 puntos, kuwang na lang og duha sa iyang career-high, ang produkto sa University of Cebu (UC) Webmasters nakatampo sab og 17 ka rebounds.
“It’s an ugly game for us. Everybody’s expecting us to do well,” matod ni SMB coach Leo Austria.
“I think it’s a wake-up call for us. We can’t take any team for granted because every team wants to beat us.”
Ang Beermen mingsaka sa 6-3 nga rekord samtang ang Picanto nahagsa sa 0-10 nga baraha. Puntos matag usa
SMB (118) – Fajardo 41, Watson 16, Lassiter 16, Santos 15, Ross 15, Cabagnot 11, Tubid 2, Espinas 2.
Kia (112) – Johnson 42, Yee 18, Corpuz 15, Paniamogan 14, Celda 9, Elorde 7, Salva 3, Camson 2, Ballesteros 2.