Artist sketch sa mipusil ni Atty. dela Cerna gipagawas

Dunay hulagway o artist sketch ang Cebu City Police Office (CCPO) sa usa sa nipusil sa numero uno nga konsehal sa lungsod sa Tuburan nga si Mlbn. Renante dela Cerna sa miaging semana sa Barangay Talamban, dakbayan sa Sugbo.

May kalambigitan sa iyang pagka abogado ang gisundang motibo sa kapulisan.

Matod ni Sr. Supt. Joel Doria, hepe sa CPPO, ila nang giilang persons of interest ang maong tawo human giila siya sa biktima ug sa tawo nga nakakita sa insidente.

Hinuon. ila pang ipaubos sa pakisusi kung siya ba gyud ang nagpusil aron masiguro ang kaso nga ilang ipasaka sa korte.

Dugang ni Col. Doria nga dunay nakakita sa suspek sa dapit sa wala pa mahitabo ang pagpamusil ug atol gyud sa insidente mismo.

Gawas pa niini na may-ongan usab siya sa kuha sa CCTV camera sa lugar bisan pa man nga dili kaayo maklaro ang video, apan kung itandi sa iyang hulagway, motakdo kini.

“Nakita siya before the incident at tsaka during the incident, may tinitingnan tayo na ginawa syang allegedly nag monitor at sya yung yung ang perpetrator, so tiningnan pa natin yung ibang angulo but

work related,” matod ni Doria. Wala na mohatag ug dugang detalye si Col. Doria apan iyang giklaro nga gi hire kini sa master mind nga pusilon ang abogado.

Sa mga kaso nga gigunitan ni dela Cerna nasigpatan usab ang maong suspek sa korte nga kauban sa kliyente sa iyang kaatbang apan wala matug-an kung unsa nga kaso.

Wala pa hinuong hingpit nga gisirad-an sa kapulisan ang lain pang angulo nga posibling motumaw sa ilang pagpadayon sa imbestigasyon.

Miabag na usab ang Provincial Intelligence Branch sa kapulisan sa syudad sa Sugbo pinaagi sa pagkuha sa back ground investigation sa konsehal didto sa lungsod sa Tuburan.

Matod ni Supt. Joie Yape wala silay nakita nga dunay kalabutan sa pagka public official ni Attorney Dela Cerna ang nahitabong pagpamusil kaniya.

"Buotan gyud kuno ni didto sa Tuburan mao nang dako ang posibilidad nga sa iyang pagka abogado ang hinungdan,” matod ni Supt. Joie Yape.

Gipaubos na usab nila sa threat assessment sa kapulisan sa probinsya sa Sugbo ang pamilya ni Dela Cerna alang na sa paghatag sa

security niini.