Marian mo-guest unta sa Press Freedom
Okay ra diay unta si Marian Rivera nga motikang sa “Mr. and Miss Press Freedom 2017” niadtong Sabado sa gabii sa Harold’s Hotel.
Apan matod sa ilang tigpamaba sa GMA-Manila nga si Miss Irene Fernando nga human sa mall show nila sa Gaisano Mactan kinahanglan na nilang mobalik dayon sa Manila niana sad gabhiona kay duna pa silay “Gabay Guro” ug Sunday Pinasaya.
Si Marian nibisita sa Sugbo kauban ang iyang leading men nga silang Matthias Rhoads ug Jerald Napoles alang sa promo tour sa ilang fantaseryeng “Super Ma’am” nga nag- premier na gabii, Lunes, sa primetime sa Kapuso Network.
TRAFFIC
Gikan sa presscon ni Marian, nidiretso ko sa opisina sa Sun.Star dayon balik na sad ko’g Ayala. Paita gyud basta matunong ang payday sa
weekend sale kay puwerte gyung trapika. Puwerte pang lisora sa sakay.
Nag-atang kog jeep alas sais pa sa gabii sa may SM City Cebu, niabot ko sa Liloan alas nuwebe na. Kapoya lagi!
Bisan sa Manila mao sad kuno, ang TV host nga si Gretchen Fulido ni-Tweet niadtong Biyernes nga didto na lang niya gikaon ang iyang bawon sud sa iyang sakyanan kay nababoy siya sa traffic.
SELFIE
Makaayo man sad hinuon ning sale bisan alang sa uban dunay sagol ilad-ilad ana.
Nag-shopping sad ko gamay pero kato rang mga item nga klarong maka- save ko.
Pag-abot nako sa counter aron mobayad, taasa ra ba sa linya… dunay babaye nga akong gisundan nga sige og selfie. Kaming naa sa luyo nagbawo sad tawon og likaylikay nga di maapil.
Ang ending, wala dawata ang iyang card kay expired diay. Pastilan! Selfie pa more!
RESPETO
Kini atong mga artista sad unta imbes magsige og post og mga video o litrato nga napraning na sa kahubog, hain man kahay maayo mag- post ni sila sa ilang talent.
Kon akoy ginikanan di gyud ko ma- proud mosikat akong anak tungod lang sa mga viral
video o scandal? In the first place, unsa may ilang talent? Nganong nisikat man ni sila? Nagtuo tingali tungod kay gwapa o gwapo sila, bisan unsay ilang buhaton cute ni sa panan-aw sa kadaghanan?
Ang popularidad sayon ra makuha apan dali ra sad mawala. Apan ang respeto magpabilin hangtod sa hangtod.