7Core mipalambo sa MCWD call center
Napauswag ang pamaagi sa Metropolitan Cebu Water District (MCWD) sa paghatag sa mga konsumidor og mga kasayuran nga may kalabotan nila nga dali ug tukma gamit ang bag-ong teknolohiya.
Napahimutang sa 7Core Communications, Inc., usa ka Sugbuanong ICT solutions
provider, ang panelepono sa MCWD ginamit ang interactive voice response (IVR) nga mo-andar sa matag tawag sa
trunkline niini nga 254-8434. Matanyag sa maong pamaagi ang tukmang kasayoran ug dalhon ang mga tawag nga wa kinahanglani ang panginlabot sa tawo sa usa ka programa nga naggamit og Google text-tovoice sa paghatag of kasayoran. Lakip nini ang mga gikatakdang paghunong sa serbisyo sa tubig, bayranan, ug mga aplikasyon sa koneksyon, matod ni Rommel Cyril V. Yu, ang nagduma sa MCWD information and communication technology division (ICTD).
“Nagpalibot ang mga tawag sa MCWD nining mga matang nga kasayoran,” siya mipadayag, uban sa pagdugang nga “matutokan na sa mga kawani sa call center ang mga tawag nga mas nanginahanglan og igong pagtagad.”
Uban sa bag-ong teknolohiya, makapasalig na ang MCWD sa mga konsumidor og tukma ug tiunay nga pagtagad, sumala ni Cloyd Dedicatoria, managing director sa 7Core.
“Makuha na sa mga konsumidor ang kasayoran nilang gikinahanglan nga mas paspas ug mas sayon na,” siya mipunting.
Gilusad sa MCWD ug gipaila ang bag-ong sistema pagkahuman og bansay-bansay pagka-Sept. 8 sa mga taga-7Core ang mga kawani sa call center kung unsaon paggamit niini sa sulod sa kompanya ug sa pagtubag sa gipasa nila sa sistema nga mga tawag.
Misunod ang mga manager, ilang mga sekretarya ug mga piniling kawani sa misunod nga adlaw, mibutyag si Charmaine Rodriguez-Kara, tagduma sa MCWD alang sa community relations
and external affairs.
“Gilauman nato nga ang sistema mopalambo pa ug mas madali na ang pagpahibalo sa mga kasayoran sama sa billing updates, scheduled interruptions, ug ubang mga kasarangang mabalak-an sa mga konsumidor,” siya nagkanayon.
Gipasabot niya nga mokuha ang sistema og mga impormasyon gikan sa database sa bisan unsang orasa ug sa tibuok aldaw pa gyud.
Gihimug-atan niya nga mas ma-atiman na karon sa mga taga-call center sa mga tawag nga dinali-an ug emerhensya, samtang ang ubang mga nanawag dili na kinahanglang mosunod ug mohuwat sa laray alang sa madali ra untang kasayoran.
Samtang, giambit ni Yu nga nakig-alayon ang MCWD ICTD sa 7Core sa pamaagi nga makabayad ang konsomidor pinaagi sa internet, ingon man usab sa audio ug video conferencing nga anaa na sa lig-on na rong telephony system.