Mr. and Ms. Phil-Asia Int'l Bodybuilding, Sept. 29
Mga nag-unang bodybuilders nga nagagikan sa Asia ang magtigi sa padak-anay ug papormahay sa lawas sa umaabot nga Mr. and Ms. Phil-Asia International Bodybuilding Chamionship nga ipahigayon karong Septiyembre 29 sa alas 4 sa hapon sa Mariner’s Court, Pier 1, dakbayan sa Sugbo.
Si Dennis Delgado, ang chief organizer sa maong kalihukan, mibutyag nga 17 ka mga kategoriya ang molangkob sa maong kompetisyon nga salmotan sa labing minus 200
ka mga kontestants nga nagagikan sa Korea, India, UAE, Japan, Malaysia, Singapore ug Pilipinas.
Kini mao ang Master’s Class 2 & 1, Mr. Novice, Ms. Fitness, Juniors, Physique 2 & 1 in board shorts, Ms. Shape 2 & 1, Mr. Athletic 2 & 1, Ms. Figure, Ms. Physique, Men’s Bodybuilding Short, Medium & Tall Class & Mixed pairs.
Ang maong bodybuilding event maoy magsilbing qualifier sa Mr. World 2018 nga ipahigayon dinhi sa Sugbo sa Mayo 31-Hunyo 3 sunod tuig.
Kini maoy unang higayon nga ang Mr. World mahitabo dinhi sa Asia.
Hangtod ning pagsulat, moabot na ngadto sa 37 ka European countries ang mosalmot sa panagtigi kon 300 ka mga langyaw.
Ang Phil-Asia Bodybuilding Championship giila usab sa NAC International based sa Germany diin si Mr. Harald Hoyler ang president.
Miabaga usab niini ang NAC Philippines nga ubos sa liderato ni Mr. Patrick Tan ug sa Samahan ng mga Barbelista sa Pilipinas kansang presidente mao si Engr. Jun Tanyag.
Ang mga tiket sa mapalit sa kantidad nga tag Php 150.00 matag usa. Alang sa detalyi mahimong mokontak sa 2555531 o 345-2395.