Cabanes nakabisita sa Talisay City Jail

Gikompirmar sa warden sa Talisay City Jail nga ang nasikop sa kapulisan sa dakbayan sa Sugbo nga si Ricardo Cabanes nakabisita sa ilang pasilidad.

Samtang ang iyang gibisita mao ang giingong piniriso nga kanunayng mogawas ang pangan sa ilegal nga drugas nga si Steve Go.

Usa niini si Cabanes, 50, taga Pasil nasikop sa kapulisan sa dakbayan sa Sugbo ug nakuhaan kinig siyam ka medium nga pakite sa gituohang shabu nga mokantidad og tunga sa milyon ka pesos.

Gibutyag ni Ccabanes nga gikan sa usa ka ginganlan og “brod” sa Talisay City Jail ang iyang supply sa shabu.

Si P/Supt. Gil Inopia, warden sa Talsiay City, di makatuo sa pamahayag ni Cabanes nga gikan sa Talisay City Jail ang iyang supply.

Gipasabot ni Cabanes nga hapit matag adlaw sila magsegig greyhound operations ug wa na silay makuha nga kontrabando.

Nagtuo si Inopia nga gisulti lang kini ni Cabanes aron di mabulgar ang tinuod niyang supplier.

Giangkon ni Inopia nga base sa ilang record si Cabanes nakasud sa ilang pasilidad ug ang iyang gibisita mao ang piniriso nga si Steve Go adunay kasong robbery kinsa gibalhin na sa Mandaue City Jail.

Base sa ilang record ka upat ka higayun siyang nibisita ni Go niadtong Hunyo 4, 6, 13 ug 16 karong tuiga.

Human nila pahugti ang ilang bilanggoan nga wa nay pasudlon nga di kabanay wa na usab kini makasud.

Apan niadtong miaging semana misuway kini sa pagsud apan wa na pasudla tungod kay wa naman usab ang iyang bisitahon nga si Go.

Gumikan sa hitabo si Inopia mipahibawo nga makig-alayon siya sa kapulisan aron masuta kon unsa ka tinuod ang pamahayag ni Cabanes.