SULTAN DI PA ANDAM BATOK NI ANCAJAS
Giangkon ni ALA fighter Jonas “Zorro” Sultan nga nagkinahanglan pa siyang magpraktis og maayo una siya makasulti nga andam na siyang mo- challenge kang International Boxing Federation (IBF) Jr. bantamweight champion Jerwin Ancajas. Si Sultan, kinsa adunay 14-3, 9KOs nga rekord, nahimong mandatory challenger ni Ancajas human niya gipukan si kanhi two-time world champion Jonriel “Quadro Alas” Casimero pinaagi sa unanimous decision niadtong Sabado sa Pinoy Pride 42: Clasy for Glory sa Waterfront Hotel sa Lahug, Cebu City. Ang away nila ni Sultan ug Casimero usa ka IBF jr. bantamweight title eliminator.
Ang umaabot nga panagharong nila ni Ancajas ug Sultan maoy labing unang higayon gikan niadtong 1925 nga duha ka mga Pinoy ang mag-ilog sa world title.
Sa interbyu sa Rappler.com, nagkanayon si Sultan nga usa ka maayong boksidor si Ancajas ug lehitimong kncokout
puncher. Si Ancajas naghupot og 27-1-1, 18KOs nga baraha.
Ang promoter ni Sultan nga si ALA Promotions president Michael Aldeguer nipasabot nga dili madali ang paghan-ay sa Sultan-Ancajas title fight gumikan kay bag-uhay lang miaway og mandatory defense si Ancajas niadtong Hulyo 2 sa
undercard sa Pacquiao-Horn bout sa Brisbane, Australia. “I still have to talk to the IBF,” matod ni Aldeguer sa Rappler. com.
Sa iyang panahom, asoy ni Aldeguer nga posibleng karon pang Enero sa sunod tuig masugdan ang negusasyon kabahin sa Ancajas-Sultan fight.
“We’re so proud of him but we’ve always believed in Sultan,” batbat ni Aldeguer. “He’s a guy that just needed the breaks. We saw his determination, he’s always focused.”