Durant nangayo'g pasaylo

Nangayo og pasaylo si Golden State Warriors kagahapon kabahin sa iyang pagtubay sa basketball fans sa Twitter kabahin sa iyang pagbiya sa Oklahoma City Thunder.

Gihulagway niya ang iyang gibuhat nga “binata” ug “inamaw.”

Nagkanayon si Durant nga nagmahay siya sa pag- post og mga pamahayag nga nagtumbok sa kanhi niya coach Billy Donovan ug kanhi kauban Russell Westbrook.

Ang kasamtangang NBA Finals MVP mitubag sa pangutana sa fans sa Twitter kon nganong mibiya siya sa Oklahoma City.

“He didn’t like the organization or playing for Billy Donovan,” tubag ni Durant. “His roster wasn’t that good, it was just him and Russ (Russell Westbrook).”

Gipasabot ni Durant nga naanad na siyang motubag sa mga pangutana sa fans sa Twitter apan niadtong higayuna, wala dayon niya nabantayan nga dili na maayo ang iyang gipamatbat.

“I use Twitter to engage with fans,” pasabot ni Durant. “I happened to take it a little too far. That’s what happens sometimes when I get into these basketball debates about what I really love, to play basketball.”

Gitataw niya nga wala siya nagmahay nga mitubag siya sa fans, ang iya lang gimahayan mao ang paggamit niya sa pangalan nila ni Dinovan ug Westbrook.

“I don’t regret clapping back at anybody or talking to my fans on Twitter. I do regret using my former coach’s name and the former organization I played for. That was childish. That was idiotic, all those types of words. I apologize for that,” dugang ni Durant.

Asoy ni Durant nga usa ang Twitter sa iyang mga kalingawan.