Protesta-rally sa Sugbo malinawon: Tumulak

Malinawon ang paghulagway ni Konsehal Dave Tumulak, chairman sa Committee on Public Order and Safety kanahin sa gihimo nga mga rally sa mga nagkadaiyang grupo kagahapon atol sa kasumaran sa Martial Law panahon ni kanhi Presidente Ferdinand Marcos.

Matod ni Tumulak nga wala ra sila'y nasugatan nga kakulian tungod kay naestorya ra usab niya ang mga grupo nga nagpahigayon og rally ug matod pa gusto lang nila magpadayag sa ilang sentimyemto. Lakip sa pipila ka cause oriented groups nga nagpahigayon sa demonstrasyon kagahapon mao ang Pagkakaisa ng mga Samahan ng mga Tsuper at Operators Nationwide (PISTON) Cebu Chapter, Anak Bayan, Sanlakas ug uban pa.

Gihimo ang maong demonstransyon sa managlahing oras ug ang hugot nga gibantayan sa siyudad ang rally nga gipahigayon kagahapon sa hapon tungod usab kay ubayubay ang nangapil.

Hinuon anaa ang presensiya sa aotoridad lakip na ang kapulisan ug traffic enforcers nga nagbantay sa kadalanan nunot na sa gihimong demonstrasyon sa maong mga grupo.

Kahinumduman nga si Tumulak miingon nga hatagan og higayon sa siyudad ang

cause-oriented groups nga makadapayag sa ilang mga yangungo ug nitanyag ang siyudad nga kon gikinahanglan, andam motabang ang kagamhanan sa dakbayan.

Gihangyo sa kagamhanan sa siyudad sa Sugbo ang mga raleyista nga dili momugna og kasamok ug motuman lang gyud sa lagda sa trapiko ug di maghugawhugaw.