Ang pagbalik ni Mike Rama

Dunay mga hugon-hugon nga mobalik si kanhi mayor Mike Rama sa Cebu City Hall pinaagi sa konseho syudad. Usa kini sa sa posibleng mahitabo human sa pagluwat sa katungdan ni Konsehal Hanz Abella.

Si Abella niluwat sa katungdanan human siya mural isip

commissioner sa National Labor Relations Commission (NLRC) 7th Division dinhi sa syudad sa Sugbo.

Tungod nini, adunay bakante sa konseho nga angay nga hulipan. Ug posible nga si Mike Rama ang mohulip sa nabakanteng puwesto sa konseho.

Ubos sa balaod ang partido nga nagdala kang Abella sa iyang pagdagan ug pagdaog sa miaging piniliay mahimong mo-nominate o motuboy niadtong mohulip kaniya ug maoy itudlo sa presidente.

Mao kini ang United Nationalist Alliance ni kanhi Bise Presidente Jojo Binay. Busa si Binay maka-nominate kon si kinsa ang mohulip kang Abella.

Ang pangutana mao nga andam ba si Rama nga mohulip kang Abella. Laing pangutana, itudlo kaha siya sa presidente nga mihingan kaniya nga drug protector?

Si Rama namahayag na nga wa siyay tuyo nga magkonsehal sa syudad. Tingali nga ang iyang gusto mao nga mobalik siya sa City Hall isip usa ka mayor.

Apan kinahanglan pa nga dunay piniliay ug paabuton pa kay sa 2019 pa man ang sunod nga lokal nga eleksiyon.

Sa ato pa malangan pa ang pagbalik ni Mike Rama sa City Hall. Ang kuyaw pa gyud kon ang mohulip ni Hanz Abella di taga Barug Team Rama kon di taga Bando Osmena Pundok Kauswagan.

Si Abella niluwat sa katungdanan human siya mihural isip commissioner sa National Labor Relations Commission (NLRC) 7th Division dinhi sa syudad sa Sugbo. Tungod nini, adunay bakante sa konseho nga angay nga hulipan. Ug posible nga si Mike Rama ang mohulip sa nabakanteng puwesto sa konseho.