PROTEST RALLY BATOK PEPING
POC president gustong palagputon sa puwesto
Gatosan ka mga Sugboanong atleta ug pipila ka mga supporters ang mitambong kagahapon sa protest
rally nga gipahigayon sa Fuente Osmena Circle aron pagpakita sa ilang suporta alang sa pagpalagpot ni Philippine Olympic Committee (POC) president Jose “Peping” Cojuangco.
Ang maong protest rally nga gipangulohan ni commissioner Ramon Fernandez sa Philippine Sports Commission (PSC) gipahigayon dungan usab sa rally nga gihimo sa Rizal Memorial Stadium didto sa Kaulohan nga aduna usay susama og katuyoan.
“We will not stop until there’s a change in Philippine Sports and the ouster of Peping Cojuangco. We have several moves to come, di lang sab ni nato isulti karon aron di kabantay ang kontra,” matod ni Fernandez kinsa mipasabot nga tanan nilang lihok adunay koordinasyon didto sa Kaulohan.
Ang panagtapoktapok sa mga atleta sa Fuente Osmeña
circle nagsugod sa alas otso sa buntag diin pipila niini ang nagbansaybansay sa ilang tagsatagsa ka mga event. “Actually we don’t have speak- er. Ang ato lang unang gihimo is to let them show that they are supporting our moves. Makita man nato nga daghan man ning mga bata nga mga atleta sa bisan unsa nga event, and they know nga para ra sab ni nila,” matod ni Fernandez, ang multi-titled athlete atol sa iyang panahon sa PBA.
Gitumbok ni Fernandez nga lakip sa kausaban nga ilang gitinguha mao kining pagpasagad na lang sa pagpanguha og mga atleta nga malakip sa national team. Pasabot ni Fernandez mao ang bata-bata system nga bisan og kuwang sa kahanas ang atleta mahimo ra gihapon kining ipasakop sa national team basta lang adunay suod nga opisyal. Lakip sa mitambong sa
rally kagahapon mao si Edward Hayco, ang chairman sa Cebu City Sports Commission (CCSC). Nahiagi ug nihapit usab sa makadiyot si konsehal Dave Tumulak.
Kalabot sa pangutan kon dili ba kini makaapekta sa kampanya sa mga atleta alang sa 2019 Southeast Asian Games, si Fernandez miingon nga makadugang hinuon kini sa kadasig sa mga atleta tungod kay ila mang makita nga sila among gipanalipdan.
Didto sa Kaulohan, si kanhi Philippines Sports Commission chairman Aparicio Mequi mao usab ang nangulo sa rally.
Gipasabot ni Mequi nga ubos sa liderato sa 82-anyos na nga Cojuangco ang performance sa mga Filipino athletes sa international competitions grabing mius-os hinungdan nga gihingusgan nila karon ang pagpalagpot niini.
Hinuon gipadayag ni Mequi nga anaa ra POC general
assembly ang pagpalagpot ni Cojuangco kinsa giingon nga hangtod karon aduna pay minilyon nga salapi nga wala ma- liquidate sulod na sa hataas nga panahon. /