Daghan namakwit tungod sa baha sa Pitogo sa Lacion
Gatusan ka mga residente ang gipabakwit nunot sa pagbaha ug pag-awas sa tubig sa sapa atol sa kusog nga uwan sa Barangay Pitogo, lungsod sa Consolacion niadtong Biyernes sa hapon.
Wa hinuoy naangol ug kinabuhing nakalas sa baha.
Mismong kapulisan sa maong lungsod ang ning-abag sa mga residente aron dali kini makabalhin sa evacuation center.
Atol sa pagbunok sa kusog nga uwan niadtong Biyernes, niabot sa taga-hawak ang gilawmon sa tubig-baha nga nasinati sa mga residente sa Brgy. Pitogo.
Niabag usab ang kapulisan sa Consolacion Police Station sa mga na-stranded nga mga pasahero aron makatabok sa baha.