Doktor nagbati samtang nagpaanak sa iyang pasyente

Sulagma ang nahitabo sa usa ka babaye nga doktor ug sa iyang pasyente sa usa ka tambalanan sa Iowa.

Si Dr. Emily Jacob, 36 ka semana nga mabdos, wala magdahom nga masayo ang iyang pagpanganak.

Ang 28-anyos nga obstetrics ug gynecology resident sa University of Iowa Hospitals and Clinics nagpaanak sa iyang pasyente sa gabii niadtong Hulyo 28 dihang siya nagbati usab.

Siya niasoy nga dihang nigawas na ang bata gikan sa iyang pasyente nabantayan usab niya nga napangagian siya og tubig.

Wa siya makaamgo nga siya na usab diay ang sunod nga manganak hangtod nga nagilis siya sa iyang scrub.

Si Jacob nakugang sa kakalit sa hitabo.

Siya nag-labor tulo ka oras sa dili pa mahuman ang iyang shift. “I noticed what I thought was amniotic fluid of the patient as the baby was delivering,” asoy niya sa ABC News. /

/ DAILYMAIL.CO.UK ■ WA SAORAS: Si Dr. Emily Jacob, 36, mipahiyom kauban sa iyang bana human manganak nga wa sa oras.