Suspensyon ni Baron gilibkas na sa PAMI
Gilibkas na sa Professional Artist Managers, Inc. (PAMI) ang suspension nga gipahamtang nila kang Baron Geisler niadtong December 2016.
Si Baron gitabangan sa chairperson sa Film Development Council of the Philippines (FDCP).
“Maraming salamat sa kaibigan kong si FDCP CHAIR Liza Diño-Seguerra sa pakikipag-usap sa PAMI. Ngayon ay na lift na po ang ban sa akin. God bless you kapatid,” matod sa 35-anyos nga actor.
Ang tubag usab ni Liza Diño-Seguerra kang Baron sa iyang Instagram post, “Pakabait ka ha. Remember what I asked from you. Yun lang. Respeto at pagmamahal sa trabaho mo at sa mga katrabaho mo. Goodluck on your future endeavors Baron.”
Si Baron gisuspenso human iyang giihi-an ang award-winning actor nga si Ping Medina bisan og wala ni sa script. Niangkon si Baron nga naapektuhan ang iyang showbiz career tungod sa pag-ban sa PAMI niya, sanglit dili na stable ang iyang trabaho ug namatay pa ang iyang inahan niadtong Enero, 2017. /