ABS-CBN nanghawod sa Press Freedom Run gahapon
Nidominar kagahapon ang ABS-CBN runners sa 5K category sa 2017 Press Freedom Run nga nanukad ug nahuman sa Cebu City Sports Club.
Si Bayani Alvarez naghari na sab sa Men's 5K category pinaagi sa oras nga 18:24.
Nagsunod kang Alvarez si Benting Venus, kinsa naulahi lang og 32 segundos, samtang ang 3rd placer mao si Ricky Diñega, kinsa mioras og 24:48.
Mipatigbabaw sa 5K Women's mao si Donna Lavares pinaagi sa oras nga 31:21.
Nagsunod kang Lavares mao sila si 2nd placer Flora Mata (33:32) samtang ang 3rd placer mao si Robella Tabucal (35:16).
Ang panagpares nila ni Publio Briones sa Sun.Star Cebu ug Divine Ngujo sa The Freeman sa 3K BFF category pinaagi sa oras nga 18:33.
Ang magtiayon nga sila si Rigel Kent Ynot ug Jean Ynot sa Sun.Star Cebu maoy 2nd placer pinaagi sa oras nga 20:51 samtang sila si Herty Lopez ug John Paul Pepito sa Superbalita Cebu maoy 3rd placer sa oras nga 21:43.
Si Andre Lanchinebre sa The Freeman mihawod sa Men's 3K pinaagi sa oras nga 15:33 samtang si Rosa Maria Paquera maoy midaog sa Women's 3K pinaagi sa oras nga 18:33.
Ang Cebu Daily News team maoy minglampos sa 2017 Metafit Challenge Superhero in Training samtang ang 2nd placer mao ang Sun.Star Cebu.
Naglangkob sa Sun.Star Cebu team mao sila si Hendrell Caballero, Sheila Gravinez, John Paul Pepito, Edri Aznar ug Ariel Itumay.