30 TAWO GIKAON SA MAGTIAYON
Gidudahan nga “cannibal family” ang gikatahong niangkon nga mipatay ug gikaon ang hapit moabot 30 ka mga tawo sud sa 18 ka tuig.
Ang kapulisan nakakita og mga parte sa lawas lakip ang mga karne ug panit sud sa balay didto sa habagatang bahin sa Russia.
Mga hulagway nga giisyu sa mga prosecutors, di maayo nga ipublikar, nagpakita sa usa ka ulo nga naa sa plato nga gibutangan og daghang orange. Nakit-an usab ang suspek nga diha sa iyang baba ang naputol na nga kamot.
Ikatulong hulagway nagpakita sa mga parte sa lawas sa tawo nga anaa sud sa banga diin gipreserba kini sa tubig.
Si Dmitry Bakshaev, 35, usa sa mga tawo nga giila nga nalambigit ug misulti sa pulis nga nagsugod siyag kaon og tawo sugod niadtong 1999 – ang tuig nga ang ulo sa tawo nga diha sa plato gikuhaan og hulagway.
Ang iyang asawa nga si Natalia, 42, gidakop usab human nadiskubrehan ang ebidensiya sa ilang balay sa Krasnodar.
Ang magtiayong Bakshaev nitago sa karne sa tawo sa ilang refregirator, matod sa tinubdan sa Russian Investigative Committee nga maoy misusi ning seryuso nga krimen sa Russia nga gitaho sa metro.co.uk.
Pito ka putos sa “frozen” nga parte sa lawas sa tawo ang nakit-an samtang adunay karne nga nadiskubrehan nga gipreserba sa banga.
Moabot sa 19 ka mga panit sa tawo ang nadiskubrehan diin gikuha kini sa mga namatay nga mga tawo.
Usa ka bag nga anaay lawas sa tawo ang nakit-an uban sa laing bag nga anaa ang mga butang sa tawo.
May mga tawo nga nakadiskubre sa usa ka mobile phone nga may selfie sa lalake nga uban sa mga parte sa lawas.
Si Natalia Smyatskaya, senior assistant sa nangulo sa Krasnodar Investigative Committee mikompirmar nga ang hulagway sa namatay nga babaye nailhan na kini.
Wa pa mailhi ang iyang pangalan apan anaa siya sa pangedaron nga 35 ug nibalhin sa Krasnodad gikan sa Omutins nga sakop sa Kirov region.
Ang magtiayon gikataho nga mogamit og drugas aron patyon ang ilang biktima ug mga tawo nagreklamo nga ilang masimhutan gawas sa ilang kwarto gikan sa hostel sa military academy, matod sa mga silingan.
“Each time we tried to enter their room, they started wild shouting and crying. Natalia is a scandalous woman, aggressive, so we did not risk it,” matod sa usa ka molupyo. /