Unsay sagad pasangil sa mga lalake kon mangabit?

Julie Ann Arellano

Base sa ako mga na-obserbahan kay naay kabit both sides. Ang wife kay irresponsible to do her obligation as a wife material and gisiguro ang kopay, or naa say uban nga dili kuno nila first love ilahang na partner, then ug asawa mangabit sagad sa ako na obserahan kay sobra ka materialistic.

Helen Casul Abanid

Ang kasagaran nga rason sa mga bana kong mangabit kay nalusyang na ilahang asawa, wala nay gana sa kama, tungod dili na attractive sa ilang pananaw ug ang uban kay nawad-an na ug gugma sa ilahang asawa.

Susana Mata Mansueto

Naay mga lalaki maayo lang sa pasalig ug naa gani makit-an nga babaye, motulo dayon ang laway wagtang tanan, mokiat gyud ang nawong. Ang tawo kung tarong ug naay kahadlok sa Ginuo ug respito ug paghigugma sa usag-usa di gyud patintal.

Merly Aquino Montes

Ang rason ngano mangabit ang bana kay dili fully satisfied si bana sa wife when it comes to sex, wala proper hygiene, no proper communication, ug nagger si asawa.

Nelson C. Gerasmio

Kanang mga bana nga mangabit daghan kaayo nag pasangil kunohay: di kauli og sayo kay ga-overtime unya diay to sa kabit nagdate sa sinehan. Luoya sa asawa nagmata la’g buntag.

Vivina Auguis Polestico

Sa ako rang opinion, mao siguro mangabit ang bana kay motilaw og laing putahi. Natagbaw na silas inun-unan, gusto motilaw ug adobo. Siguro mao mangabit sila kay ang kabit buhaton man tanang putahi para lamian.

Teresita Bacalla Luminarias

Kulang sa gugma sa asawa maong mapulan sa asawa. Kusog mamasangil sa asawa, mausab ang batasan, sugarol ang asawa, wala na kunoy atiman sa lawas ang asawa, dili maayo mo- atiman sa bana, dili na kahimo kon unsay gusto sa bana, mubalibad kon makigsex ang bana, taguan ang cellphone, sige pasangil overtime, important meetings or gatherings. tigulang na ang asawa, mangita ug batan-on.

Raffy Rylle Mocoy Floteña

Sagad gyud pasangil sa mga lalaki nga mangabit mao ang dili sala ang pagpangabit basta dili lang gyud magkuwang sa asawa. Di gyud sala ang pagpangabit basta panga-a lang gyud sila tanan. Awayon gani ka sa imung asawa ayaw gyud sukol.

Leah Dean Lopez

Kasagaran sa mga lalaking mangabit dili gyud na moangkon nga nangabit sila kay matod pa walay kawatan mo-angkon nga nangawat ug sa ilang prinsipyo, kung mangabit kuno sila dili gyud magpadakup sa asawa og kon masakpan man dili sad gyud moangkon nga kabit nila, ingnon rang burikat na ilang giabangan.