Kaligdong ni Atty. Ortega

Nakahigayon ko sa hamubo nga pakighinabi ni Atty. Orvi Ortega, ang pangulo sa legal office sa Kapitolyo sa probinsya sa Sugbo.

Sa wa pa ang personal nga panagsulti namo ni Ortega isip family friend, diha ra ko galingkod sa gawas sa iyang opisina samtang nagpaabot sa akong torno kay duna pay meeting.

Sa paggawas ni Orvi, akong nasaksihan ang pag-abiabi niya sa mga yanong tawo nga naglingkod sa gawas sa akong unahan kay adunay ipatabang.

Samtang nag-obserbar sa tuyo sa duha ka mga bisita ni Ortega, didto nako nahibaw-an ang pagpangayo kanila og tabang sa ilang kalapasan sa pagpanguha ug sinakong bas nga miabot ang kaso sa barangay .

Pila may estorya sa kaluoy ni Ortega, kay nagda man og dokumento ang duha ka mga pobring taga probinsya sa clearance nga gihatag sa kapitan sa ilang barangay sa paglimpyo sa ilang mga pangan sa kalapasan.

Wa maglangan si Ortega, dihadiha gidawat ug gipirmahan ang dokumento ug namauli ang duha nga malipayon.

Pila may estorya, gipasud ko sa opisina ni Ortega sa tuyo sa pagpangumusta. Kay sa dugay na nga panahon wa na makabalik og suroy sa ilang giabangan nga pinuy-anan nga maoy kanunay adtoan sa among pamilya say wa pa kini magtrabaho sa Kapitolyo.

Hangtud nga miabot sa punto ang among estorya may labot sa iyang trabaho isip

head sa legal sa Kapitolyo ug kanhi chairman sa Bids and Award Committee kaniadto.

Sa akong pagsabot sa mga sulti ni Ortega, nakita nako ang ka sensiro sa iyang trabaho sa Kapitolyo nga way sagol ginagoy.

Kay kini lagi nga naa sa gobyerno ug gahupot ug sensitibong puwesto basta mosud og kontrata alang sa mga proyekto bisa'g way trampas anaa ang mansa sa katahap.

Mao nga akong uslan ang gisuwat sa Kolum ni SunStar Cebu editor Bong Wenceslao sa kaligdong sa pamilyang Ortega nga wa maduhig sa mga kontrobersya bisan paman ug nahimong kanhi board member si Orvi kaniadto.

Ang estorya sa artikulo tungod sa kontrobersya kaniadto nga naglambigit sa Black Pearl securiry agency diin si Orvi maoy chairman sa BAC.

Tungod sa mga pagsaway dunay nindot kaayo nga tambag si Wenceslao ngadto ni Ortega.

Mao kini kon di makianga-yon ang pagsaway sa kritiko ayaw paminawa ug ayaw basaha. Sa hamubo, imong ibaliwa. Ayaw itugot ang mga pagsaway o tigsaway makaguba sa imong trabaho.

Kay sa katapusan, kon imong mahimo ang maayong trabaho ang mga pagdayeg maoy mobanlas sa mga pagsaway. (