Gabinuang TALK TO PAPA JOE

Dear Papa Joe,

Ako diay si George, 27 years old, usa ka guard diri sa Mandaue City pero taga carcar ko. Ang akong problema kabahin ni sa akong ka live in. Naa mi gaipon sa ilaha diri sa LapuLapu City.

Akong nabantayan nga medyo lahi na ug tinagdan akong asawa sukad siya nanrabaho sa Mepz. Tagdugay na siya mouli ug luoy kaayo ang among anak. Di kaayo maatiman kay ang nagbantay iya ra man nga mama.

Ako siyang giapas one time sa iyang work. Nasakpan nako nga naa siyay kuyog nga lalake ug nangutana ko sa iyang kauban kon si kinsa ang iyang kuyog kay wala man makaila nako. Niingon ang iyang kauban nga uyab.

Lami ta kaayo manghasi pero wala lang ko, nagpugong ko sa akong kaugalingon. Mao nga niuli ko ug nihuwat niya sa balay. Pag abot niya, ako siyang gipangutana ug niingon siya nga wa daw siyay karelasyon didto pero ako siyang giingnan nga bakak kay iyang mga kauban niingon nga uyab sila. Karon nihawa ko sa ilaha ug gidala nako ang among anak. Nasuko kaayo siya ug kuhaon daw niya ang bata. Pwede ba diay niya kuhaon ang bata nga siya man gabinuang? Palihug tambagi ko. GEORGE George,

Imo sa ta tong gihusay una ka ni-react dayon kay basin og di gyud sila uyab ug suod lang o nanguyab pa ba ang lalake. Unya tan-aw sa mga tawo uyab na kay suod. Kahibawo na baya ka sa mga tabi sa mga tawo nga dunay mga mag-una.

Usa pa, makuha gyud na niya ang bata kay di man mo kasado. Sa Family Code, siya ang naay katungod sa bata basta seven years old below. Ulia sa to didto ug husaya kay basin may sayop sad ka. Kalma lang, di padalosdalos. Basin nadala ra ka sa kainit sa imong ulo. PAPA JOE