WADE-JAMES REUNION MIANINAW
Nanghinaot si 4-time MVP LeBron James nga makiguban kaniya sa Cleveland Cavaliers ang iyang higala nga si Dwyane Wade, kinsa nakuha og buyout sa kontrata niini sa Chicago Bulls.
Ang 35 nga si Wade mipalit sa iyang kontrata sa Bulls ug andam na kining makignegusasyon sa laing teams sa National Basketball Association ( NBA) nga interesadong mokuha sa iyang serbisyo.
Matod sa ESPN, mobalor og $8 million ang gitangtang sa nahabiling suweldo ni Wade sa Bulls aron makuha ang buyout.
Si Wade ug James nag-uban kanhi sa Miami Heat diin nakalangkat sila og duha ka mga titulo sulod sa upat ka sunodsunod nga pagsulod sa finals kaabag si Chris Bosh. “I would love to have D-Wade a part of this team,” matod ni James.
“I think he brings another championship DNA, championship pedigree. He brings another playmaker to the team who can get guys involved, and make plays, and also just has a great basketball mind.”
Gawas sa Cavaliers, ningpadayag sab sa ilang intensyon nga mokuha kang Wade mao ang San Antonio Spurs, Oklahoma City Thunder ug hasta ang Miami.
Suod sab nga higala ni Wade si Carmelo Anthony, kinsa bag-uhay lang nga nakabalhon sa Oklahoma City.
Sa laing bahin, maayo ang dagan sa pagpaalim sa angol sa bat-ang ni All-Star pointguard
Isaiah Thomas, kinsa nakuha sa Cavaliers niadtong summer. “I’m getting stronger,” matod ni Thomas.
Naglaom ang Cavaliers nga mahibalik ang 100 percent nga kondisyon ni Thomas karong Enero sayong bahin sa 2017-18 season.
Gipahugtan ni Thomas ang iyang pisikal nga gimbuhaton isip titpik sa iyang pagpaalim sama sa pagdagan ug shooting.
“Physically I’m in a good place. I’m making progress every day,” pasabot ni Thomas. “These last three weeks, I’ve been able to be with this training staff six days a week and focused on getting my strength back in that muscle.”
Si Thomas maoy usa sa mga nakuha sa Cavaliers gikan sa Boston Celtics isip baylo kang Kyrie Irving.