Austin pabilin nga nangandoy nga makasud sa NBA

Malipayon man tuod siya sa posibilidad nga mahimo siyang naturalized player sa Gilas Pilipinas apan giklaro sa batan-ong higante nga si 7’1” Isiah Austin nga nagpabiling buhi ang iyang pangandoy nga makaduwa sa National Basketball Association (NBA).

Tulo ka mga tuig ang nakalabay, si Austin usa unta sa giatangan nga rookies sa NBA apan wala nadayon ang iyang pagduwa sa liga gumikan kay nasuta nga aduna siya'y sakit nga Marfan syndrome.

“Every basketball players’ dream is to make it to the NBA

one day,” matod ni Austin nga napatik sa Spin.ph.

Sa iyang pag- apply sa NBA, gituohan nga makuha si Austin sa 1st round apan mibahar ang iyang pangandoy gumikan sa iyang kondisyon.

Paglabay sa duha ka mga tuig, si Austin gitugtan na sa mga doktor nga makaduwa pagbalik. Miduwa siya sa Serbia, China dayon sa Pilipinas. “When the time comes, I can tell you that I’d be ready for it,” matod ni Austin kabahin sa iyang pangandoy.

Alang kang Austin, aduna siya'y abilidad nga sama sa miretiro na'ng si Kevin Garnett. “My whole life, Kevin Garnett has been my favorite player," asoy ni Austin.

Sa kasamtangan, si Austin nagduwa sa Chooks-toGo Pilipinas sa nagpadayong FIBA Asia Champions Cup sa Chenzou, China.