Fajardo nag-una gihapon sa BPC race
Padayong nag-una ang Sugbuanong higante nga si JuneMar Fajardo sa inilugay sa Best Player of the Conference award human sa elimination round sa Philippine Basketball Association (PBA) Governor’’s Cup. Ang pambatong sentro sa San Miguel Beermen adunay 37.9 statistical points gikan sa iyang averages nga 18.5 puntos, 10.6 rebounds, 1.7 assists ug 2.0 blocks. Niini hayag nga makuha sa produkto sa University of Cebu (UC) Webmasters ang ikaupat niining sunodsunod nga MVP title.