Grab mihimo nag lakang panagana batok sa drugas

Nakigtagbo sa kadagkoan sa Philippine Drug Enforcement Agency ug Land Transportation Franchising and Regulatory Board (LTFRB) ang Transport Network vehicle Service (TNVS) sa nasod subay niining gigamit ilang serbisyo isip tigdala sa ilegal nga drugas.

Kini sagad nahitabo sa kaulohan apan wa pa sa Sugbo.

Usa sa TNVS sa Sugbo ang Grab Philippines diin gikatakda sila nga maglusad sa Grab Express, usa ka serbisyo diin same-day delivery sa packages lukop Sugbo.

Mao kini ang kasagaran nga gigamit isip tigdala og ilegal nga drugas tungod kay ang driver ra ang modala niini ngadto sa paingnan.

Si Fiona Nicolas, Government Communications Manager sa Grab PH base sa iyang statement nga gipadala sa Superbalita Cebu nagkanayon nga nakigtambayayong na sila sa Philippine National Police Highway Patrol Group sa kaulohan ug sa Drug Enforcement Group.

“Even before the MOA has been signed, GrabExpress riders have several times intercepted suspicious packages and have turned these over to PNP-DEG as evidence and for appropriate action,” tipik sa maong pamahayag.

Kagahapon, nakigtagbo ang Grab PH kang PDEA Director General Aaron Aquino ug kang LTFRB chairman Martin Delgra III aron pagahisgutan ilang partnership ingon man aron masolusyonan ang paghimo sa TNVS isip drug couriers.