Labella mihangop sa lakang sa BOPK pagtaktak ni Zafra

Gihangop ni Cebu City Vice Mayor Edgardo Labella ang plano ni Cebu City Mayor Tomas Osmeña ug sa kapartido niini nga mohimo og legal nga aksyon kabahin niining termino ni ABC president ug Tisa Barangay Captain Philip Zafra sa konseho.

Matod ni Labella kinsa kapartido ni Zafra sa Barug Team Rama nga katungod sa Bando Osmeña Pundok Kauswagan (BOPK) nga mosangat og legal action sa korte.

Apan gipasabot niini nga kon mokwestiyon sila kang Zafra, susama ra usab nga nikwestiyon sila sa ubang

ex-officio members sa nasod, o kadtong barangay chairman nga ex-officio member.

Dugang niini nga nakasabot sila nga fixed term si Zafra niadtong 2013-2016, apan human nauswag ang piniliay niadtong nakalabay nga tuig, na- extend ang iyang termino.

Ang city legal officer nga si Atty. Joseph Bernaldez nagkanayon nga wala pa siya makabasa sa memorandum sa DILG nga wala'y hold over ang ex-officio members, apan gibase lang niya sa nanggawas sa pamantalaan nga kon anaa sa balaod, mao kini ang angay nga sundon.

Dugang niya, wala paman usab napirmahi ni Pres. Rodrigo Duterte ang pag-uswag pag-usab sa piniliay alang sa sunod tuig. / HBL

/ ALEX BADAYOS ■ luBONG Ni MSGr. CaMOMOt: Ang mga deboto nanag-ampo sa lubnganan ni anhing Archbishop Teofilo Camomot atol sa ika-29 nga anbersaryo sa pari sa miaging adlaw sa dakbayan sa Carcar. Si Camomot gituboy nga mahimong santos sa Simhahang Romano Katoliko...